Trajneri Sormani sjell një mesfushor italian për ‘demat’

Panorama Sport | Gazeta me e shitur sportive ne vend

Postuar: Korrik 10, 2016 | 13:47

Trajneri Sormani sjell një mesfushor italian për ‘demat’

Partizani do të paraqitet në Champions ndaj Ferencvaroshit me dy përforcime në repartin sulmues, italo-ganezin Kaleb Ekuban dhe sllovenin Dalibor Volas. Me këto dy afrime sulmi konsiderohet më i plotë, por të kuqtë mbeten në kërkim të përforcimeve të tjera. Për këtë tur të dytë të Champions-it, të kuqtë kanë mundësi që të federojnë edhe një lojtar shtesë, 24 orë përpara takimit të 13 korrikut.

luka bertoni

Për momentin, prioritet për drejtuesit e kuq mbetet afrimi i një mesfushori. Burime të ndryshme pranë klubit kanë bërë me dije se ky lojtari i kërkuar mund të vijë nga Italia. Luka Bertoni është një nga emrat më të lakuar për momentin në ambientet e të kuqve të kryeqytetit. 24-vjeçari nuk ka nevojë për testime, pasi ai njihet mirë nga trajneri i Partizanit, Adolfo Sormani, i cili e ka pasur në ekip kur ka drejtuar Sudtirolin.

Luka Bertoni është produkt i akademisë së Milanit. Pas formimit si lojtar me të rinjtë e Milanit, mesfushori qendror, më 11 korrik 2012, u huazua te Sudtiroli ku edhe debutoi me ekipin e ri. Më 12 korrik 2013, Bertoni u transferua te Karpi në Seria B, por ishte në bashkëpronësi me Milanin.

Debutimin në Seria B e ka bërë më 24 gusht, ku Karpi u mund 1-0 nga Ternana. Në 2014-ën, mesfushori u kthye te Sudtiroli, i cili merrte pjesë në Lega Pro. Lojtari është në pronësi të Karpit deri në verën e 2017- ës, por po punohet që ai të vijë i huazuar te Partizani.

Nëse palët gjejnë akordin para datës 21 korrik, Bertoni mund të shtohet në listën e federimeve të Partizanit për Ligën e Kampioneve. Me shumë mundësi Luka Bertoni pritet të jetë zëvendësuesi i brazilianit Felipe Gomes, i cili ishte titullar te Partizani në pjesën e dytë të sezonit të shkuar






www.minuta90.com