Postuar: Korrik 12, 2018 | 21:58
Të shumtë shqiptarët në Ligën e Europës, debuton edhe Basha
Të shumtë ishin shqiptarët që u aktivizuan me klubet e tyre në turin e parë të Ligës së Europës. Risia e ditës së sotme ishte padyshim aktivizimi i ish-mesfushorit të Kamzës, Arbër Basha.
Ai u transferua para pak kohësh nga Kategoria Superiore shqiptare te estonezët e Trans Narvën ku bëri dhe debutimin në Europë.
Basha luajti 12 minutat e fundit të sfidës në humbjen 0-2 përballë skuadrës boshnjake Zeljezniçar. Prezenca në Europë, joshi mesfushorin shqiptar që të transferohej në kampionatin estonez, edhe pse niveli i këtij kampionati lë për të dëshiruar.
NDIQE LIVE "PANORAMA TV"