“Të mos kemi shpërqendrime”, Regi Lushkja: Me Skënderbeun ndeshje e vështirë, por japim maksimumin
Tirana do të kërkojë tre pikët përballë Skënderbeun, teksa Regi Lushkja u shpreh se kësaj radhe nuk ka vend për shpërqendrim pas barazimit të javës së kaluar me Teutën.
“Të them të drejtën është një ndeshje e vështirë, pasi dhe ne vijmë pas një barazimi në Durrës dhe do të japim maksimumin për të dalë me tre pikë, sepse jemi në fushën tonë.
S’e pritëm në ndeshjen e fundit me Teutën, sepse po fitonim 0-2, por një shpërqendrim për disa minuta, pësuam dy gola që mund të evitoheshin. Të jemi evidentë në çdo ndeshje, të japim maksimumin e të mos kemi asnjë lloj shpërqendrimi.
E rëndësishme të japim maksimumin, nga minuta e parë deri në fund dhe ky do jetë çelësi për të dalë fitimtar.
Atmosfera është shumë e mirë. kemi harmoni. Çunat po stërviten mjaft mirë dhe çdo gjë po shkon në rrugën e duhur”, tha Lushkja.
PANORAMASPORT.AL
NDIQE LIVE "PANORAMA TV"