Talenti shqiptar i Çelsit në superformë, Shpresat e Bushit dhurojnë spektakël në miqësore
Shpresat e Alban Bushit kanë mposhtur Uellsin U21, me rezultatin 3-1 në takimin e dytë miqësor të zhvilluar në “Niko Dovana” të Durrësit. Pas triumfit 2 ditë më parë, me rezultatin 2-1 në “Selman Stërmasi”, kuqezinjtë kanë arritur një tjetër rezultat pozitiv, përballë një kundërshtari cilësor, duke mbajtur lart moralin.
Talenti i Olimpiakosit, Emiliano Bullari, ishte ai që hapi serinë e golave në minutën e 8-të, ndërkohë që 7 minuta më vonë, Mala dyfishoi rezultatin. Pjesa e parë u mbyll në avantazhin e dyfishtë të Shqipërisë U-21.
Për t’i vendosur “kapak” paraqitjes fantastike mendoi talenti i akademisë të Çelsit, Armando Broja, i cili në minutën e 69-të, trefishoi rezultatin. Në fundin e takimit, miqtë nga Uellsi shënuan golin e nderit me anë të Leuis.
Shqipëri U-21- Uells U-21 3-1
(Bullari 8′, Mala 15′, Broja 69′ / Leuis 90+1)
90+1′ GOOOL. Miqtë nga Uellsi ngushtojnë diferencën e golave në minutën e parë shtesë të ndeshjes.
69′ GOOOL. Sulmesi i akademisë të Çelsit, Armando Broja trefishon rezultatin. 3 gola në 2 sfidat ndaj Uellsit për talentin 18-vjeçari, i cili po kalon një formë të shkëlqyer.
8′ GOOoL. Gjuan Kallaku topi përplaset në shtyllë dhe Bullari, sulmuesi i Olimpiakosit, në pozicion shënon.
FORMACIONI:
Shqipëria U-21: Hoxha, Tafa, Maloku, Pëllumbi, Kumbulla, Shehu, Zejnullahu, Mala, Kallaku, Xhixha, Bullari. Trajner: Alban Bushi
/PANORAMASPORT.AL/
NDIQE LIVE "PANORAMA TV"