Stef Kërri fantastik, “Warriors” likuidojnë edhe Klipersat
NBA vijon me rit min e jashtëza konshëm të ndeshjeve në sezonin e rregullt, teksa në orët e para të mëngjesit të djeshëm u zhvilluan 5 sfidat e radhës. Spikat suksesi i shtatë radhazi i Golden Stejt, që këtë herë erdhi në transfertë përballë Klipersave në shifrat 105-90.
Njeriu i ndeshjes ishte pa diskutim Stef Kërri, autor i 33 pikëve, 21 nga të cilat i realizoi falë 7 goditjeve të sakta për 3. Një ecuri e shkëlqyer nga “Warriors” në këtë pjesë të parë të sezonit, ku numërojnë 18 fitore në 20 ndeshje të zhvilluara. Buzëqesh edhe Milluoki, teksa kampionët në fuqi likuiduan në transfertë Indianën në shifrat 118-100. Edhe për “Bucks” bëhet fjalë për suksesin e shtatë radhazi. Pas një periode të parë të ekuilibruar (26-26), Milluoki e shkeli “pedalin e gazit” duke e rritur ritmin e lojës për të marrë një fitore pa shumë vuajtje.
Me 26 pikë dhe 13 kërcime, Janis Antetokounmpo si gjithnjë ishte më rezultativi në triumfin e “Bucks”. Ndeshje e mirë edhe për Holidei, autor i 23 pikëve. Për vendësit spikati i zakonshmi LeVert (23 pikë). Ndonëse jo pa vuajtje, Lejkërsat arritën të siguronin triumfin në shtëpi ndaj Detriot në shifrat 110-106, duke lënë prapa krahëve zhgënjimin ndaj Sakramentos. LeBron Xhejms tregoi superfuqinë e tij në parket, duke regjistruar 33 pikë, 5 kërcime dhe 9 asiste. Nuk zhgënjyen as Devis (23 pikë, 10 kërcime) dhe Uestbruk (25 pikë, 9 asiste).
Për Pistons më i miri ishte Grant, autor i 32 pikëve, 6 kërcimeve dhe 4 asisteve. Në ndeshjet e tjera, Bostoni mundi në transfertë Toronton 109-97, ndërsa Memfis shkatërroi në shtëpi Sakramenton 128- 101. Për sa i përket kryesuesve, në Lindje komandon Bruklin, ndërsa në Perëndim udhëheq Golden Stejt
REZULTATET
Klipers – Golden Stejt 90-105
Indiana – Milluoki 100-118
Lejkërs – Detroit 110-106
Toronto – Boston 97-109
Memfis – Sakramento 128-101
PANORAMASPORT.AL
NDIQE LIVE "PANORAMA TV"