Trajneri i Dinamos, Fabricio Kamarata, e ka vijuar stërvitjen me të tijtë gjatë paradites në Pezë-Helmës. Italiani ka hartuar një program të veçantë për lojtarët, duke ditur problemet fizike që ata mund të kenë për shkak të një kohe të gjatë pa stërvitje kolektive.

Ngarkesa që ekipi ka marrë gjatë një jave stërvitje ka qenë graduale dhe nuk ka sjellë probleme. Stafi drejtues i bluve ka menduar ta testojë sot skuadrën edhe në një miqësore me Skënderbeun.

Palët kanë rënë dakord që kjo ndeshje të luhet në orën 17:00, në kompleksin “Tropikal”, por duhet parë nëse do të lejohet zhvillimi i saj apo jo. Mungesat e vetme për Dinamon mbeten Ortolani dhe Pontreli, të cilët ndodhen në Itali.

Skerdilaid Sulozeqi

NDIQE LIVE "PANORAMA TV"

---