Sebastian Fetel po zhvillon sezonin e tij të fundit me Ferrarin, një edicion që nuk po shkon aspak mirë për pilotin gjerman, pasi deri tani renditet në vendin e 17-të pa mundur që të ngjitet asnjëherë në podium. Megjithatë, 4 herë kampioni i botës në Formulën 1 ka tërhequr vëmendjen e të gjithëve, duke treguar talentin e tij në sektorin e basteve sportive.

Fetel, cili njihet për pasionin që ka për futbollin, ka goditur në shenjë të gjitha ndeshjet e javës në Bundesligë. 33-vjeçari është treguar i pagabueshëm në sfidat e javës së tretë të kampionatit gjerman, duke parashikuar saktë plot 9 rezultate, në një lojë me sistem të organizuar nga gazeta “Bild”.

Në parashikimet e goditura në shenjë, bie në sy se Fetel ka arritur që të gjejë rezultatin e saktë të skuadrës së tij të zemrës, Eintraht Frankfurt, që fitoi 2-1 në shtëpi ndaj Hofenhaimit. Sipas raportimeve të “Bild”, Fetel ka vendosur një shumë prej 10 eurosh, ndërsa ka arritur që të fitojë plot 6600 euro.

Në tabelë pasqyrohet edhe skedina me rezultatet e parashikuara nga piloti, ndërsa në pllaka janë rezultatet me të cilat janë mbyllur sfidat.

SKEDINA FITUESE

Union – Mainc 2-1 (4-0)

Dortmund – Fraiburg 2-0 (4-0)

Frankfurt – Hofenhaim 2-1 (2-1)

Këln – Gladbah 1-2 (1-3)

Verder B – Bilefeld 2-0 (1-0)

Shtutgart – Leverkusen 2-2 (1-1)

Lajpcig – Shalke 3-0 (4-0)

Volfsburg – Augsburg 1-1 (0-0)

Bajern – Herta 4-0 (4-3)

PANORAMASPORT.AL

NDIQE LIVE "PANORAMA TV"

---