Rinis Kategoria e Parë, “zjarr” në Jug. Ja të gjitha ndeshjet që luhen sot
Rikthehet ditën e sotme Kategoria e Parë, ku do të luhen ndeshjet e javës së 13-të, aty ku nuk mungojnë edhe përballjet interesante.
Në grupin A, duke filluar nga ora 13:00, Kastrioti do të kërkojë fitoren në transfertë ndaj Tërbunit, në një ndeshje që pritet të jetë e luftuar nga të dyja ekipet.
Ndeshje tjetër interesante është edhe ajo mes Besëlidhjes dhe Veleçikut, në fushën e këtyre të fundit që do të provojnë surprizën. Ndeshja tjetër është Burreli – Erzeni, me Korabin që është pushim. Ndërsa Dinamo do të masë forcat me Egnatian ditën e nesërme.
Me të luftuara pritet të jenë ndeshjet në grupin B, ku Lushnja do të presë në shtëpi Devollin, me objektivin e vetëm fitoren. Pogradeci kryesues do të luajë në transfertë ndaj Shënkollit, ndërsa Apolonia do të përballet me Ilirinë.
Tjetër ndeshje e bukur pritet të jetë edhe ajo mes Besës dhe Turbinës, me kavajasit që do të kërkojnë vetëm fitoren. Ndërkohë Elbasai dhe Oriku do të masin forcat mes tyre.
GRUPI A
TËRBUNI-KASTRIOTI 13:00
VELEÇIKU-BESËLIDHJA 13:00
BURRELI-ERZENI 13:00
KORABI-PUSHIM 13:00
GRUPI B
LUSHNJA-DEVOLLI 13:00
ELBASANI-ORIKU 13:00
ILIRIA-APOLONIA 13:00
TURBINA-BESA 13:00
SHËNKOLLI-POGRADECI 13:00
PANORAMASPORT.AL
NDIQE LIVE "PANORAMA TV"