RENDITJA E SUPERIORES/ Tirana fiton dhe Partizani mundet, ja si ndryshon situata pas dy ndeshjeve të para të javës së 20
Dy ndeshjet e para të javës së 20 të Kategorisë Superiore kanë treguar se Tirana tashmë mund të cilësohet në “arrati” në rrugën drejt titullit kampion të radhës.
Bardheblutë kanë mundur me shifrat 2-1 Egnatian në transfertë duke marrë tre pikë të rënda në ditën e sotme dhe kanë treguar se pavarësisht ndryshimeve që kanë pësuar në janar, janë ende një hap para skuadrave të tjera.
Shembullin e kundërt po jep Partizani, i cili është mundur përsëri në shtëpi, këtë herë nga Laçi, duke mbetur tanimë 6 pikë pas bardhebluve të cilët mbajnë vendin e parë në klasifikim.
Ajo që bie në sy është se si brenda pak javësh ka ndryshuar në mënyrë drastike situata e Laçit falë fitores së tretë radhazi, pasi tani është në vendin e tretë në klasifikim, shumë larg zonës së ftohtë ku gjendej më parë. Kurse Egnatia tanimë rrezikon objektivin e Europës, pasi ka zbritur në vendin e 6.
JAVA 20
Të hënën
Egnatia-Tirana 1-2
Partizani-Laçi 1-2
Të martën:
Kastrioti-Erzeni ora 13:00
Vllaznia-Kukësi ora 16:00
Teuta-Bylis ora 16:00
PANORAMASPORT.AL
NDIQE LIVE "PANORAMA TV"