Nis puna në stadium, Luftëtari luan një muaj jashtë Gjirokastrës

Panorama Sport | Gazeta me e shitur sportive ne vend

Postuar: Gusht 9, 2016 | 13:25

Nis puna në stadium, Luftëtari luan një muaj jashtë Gjirokastrës

Më në fund stadiumi “Gjirokastra”, aty ku luan Luftëtari, ka nisur rikonstruksionin e pjesshëm, duke filluar nga dhomat e zhveshjes, vendosjen e stolave në katër tribuna, si dhe zëvendësimin e tapetit aktual. Puna ka startuar dje me fushën, teksa punëtorët e firmës që kanë marrë përsipër këtë proces janë parë të zbresin në terren.

13882533_1075540489191775_3290847423169750875_n

Për “Panorama Sport”, inxhinieri, i cili është në krye të punimeve, Qani Lipe, ka sqaruar hapat që do të ndërmerren për vendosjen e tapetit të ri. “Kemi nisur nga puna fillimisht me fushën. Në bashkëpunim të ndërsjelltë me dy firmat operuese, fusha ku Luftëtari do të luajë kërkon ndërhyrje me dy faza. E para ka të bëjë me zhvendosjen e tapetit të vjetër, i cili bashkë me krijimin e mjedisit të nevojshëm për vendosjen e tapetit të ri, kërkon 15 deri 20 ditë kohë.

13939486_1075540682525089_7999991633343363756_n

Falë makinerive dhe teknologjisë moderne, tapeti aktual do t’i nënshtrohet heqjes së tij nga lartësia 2 deri në 2.5 cm, për të vijuar me rinivelimin dhe shtrimit e shtresave inerte, me qëllim mosmbajtjen e ujit dhe çedimin e fush- ës. Infiltrimi dhe dhënia e pjerrë- sisë së duhur janë dy nga kushtet teknike që duhen zbatuar me fanatizëm për të krijuar terrenin sportiv që kërkohet nga FSHF. Minimalisht nga momenti i shtrimit të tapetit të ri do të duhen edhe 25-30 ditë afat për t’u pjekur teknikisht bari.

13901592_1075540429191781_7117886427707289372_n

Vaditjet sistematike, si dhe nivelimi i duhur duhet të jenë prioritet për t’u pasur parasysh”, ka sqaruar inxhinieri që drejton punimet në stadium. Ndërkohë, sipas të gjitha gjasave, Luftëtari do të humbasë minimalisht tri ndeshje në shtë- pi. Me shumë mundësi, skuadra do të luajë në fushën e vet gjatë këtij sezoni në muajin tetor. Ndeshjet si pritës në fusha të tjera pritet të zhvillohen në Ballsh ose Fier.

Tomor Shehu






www.minuta90.com