Pas ngjarjes së Cërrikut ka folur drejtuesi i Dinamos, Ermal Barushi, i cili shprehet: “Doja të nënvizoja pakënaqësinë për pretendimet e Turbinës në lidhje me miqësoren, që kështu supozohej të ishte. Futbolli është disiplinë masive dhe duhet të shprehim ekuilibrin shoqëror, jo ta ushqejmë me negativitet. Si administrator, do ta kisha harruar atë që ndodhi, por do kisha vënë në dyshim emrin e Dinamos.

Pas ftesës nga Turbina shkuam në Cërrik, ku ishte dhe presidenti Pontreli, por me hyrjen në stadium kuptuam se nuk ishim mysafirë, nuk na priti askush. Ndeshja u pezullua tri herë për 10 minuta nga faullet e rëndë të vendësve. Para ndërprerjes finale, thirra shefin e klubit të Turbinës, dy kapitenët dhe arbitrin, duke u bërë të qartë se po të vazhdohej me lojë të rëndë, do tërhiqnim ekipin. Pas garancisë, takimi rifilloi, por për 3 minuta situata u përsërit. ishte e pamundur të vazhdohej. Presidenti Pontreli kërkoi tërheqjen e ekipit, dua ta saktësoj se ishte Dinamo që kërkoi ndërprerjen. Një anëtar i stafit tim, megjithëse i provokuar, vazhdimisht u gjend në një situatë të tillë, pa dashur të justifikoj veprimin e tij. Jemi Dinamo me histori dhe traditë, jemi klub që synojmë të sjellim respekt dhe profesionalizëm. Drejtohemi nga histori brezash “fair play” dhe një president që për objektiv ka po ashtu “fair play”-in.

PANORAMASPORT.AL

NDIQE LIVE "PANORAMA TV"

---