Mario Baloteli akuzon: A është i ligjshëm racizmi në Francë?
Mario Baloteli ka akuzuar hapur tifozët e Bastia se kanë përdorur thirrje raciste ndaj tij dhe shokëve të skuadrës te Nica gjatë barazimit 1-1 të të premtes. Futbollisti italian ka reaguar nëpërmjet një postimi në rrjetet sociale, duke pyetur se si ishte e mundur që askush nuk reagonte në këtë shtet ndaj ngjarjeve të tilla.
“Dje, rezultati ndaj Bastia ishte i drejtë… do të punojmë më shumë dhe do të mundohemi të arrijmë objektivat tonë… edhe gjyqtari ishte në rregull… por unë kam një pyetje për francezët…
A është normale që tifozët e Bastia të bëjnë zhurma majmunësh dhe “uh uh” gjatë gjithë ndeshjes dhe askush në komisionet disiplinore të mos thotë asgjë? Pra a është racizmi I LIGJSHËM në Francë? Apo vetëm në Bastijë?
Futbolli është një sport magjepsës… këto njerëz si tifozët e Bastijës e bëjnë të shëmtuar! Vërtet turp”, ishte reagimi i Balotelit.
NDIQE LIVE "PANORAMA TV"