Liga Unike e basketbollit të femrave do të kompletojë sot ndeshjet e javës së tretë të sezonit të rregullt, me përballjen e “Farie Hotit”, aty ku Tirana vendëse do të presë Flamurtarin, sfidë që do të startojë në orën 19:00.

Vajzat bardheblu vijnë në këtë përballje pas humbjes së një jave më parë ndaj Partizanit, ndërsa vlonjatet regjistrojnë 2 fitore dhe synojnë suksesin e tretë në eventin mbarëkombëtar.

Pritet një ndeshje interesante, mes dy ekipeve elitare të Shqipërisë.

Ndërkohë, kujtojmë se në takimet e tjera të javës së tretë që u luajtën të martën, Partizani mori një fitore të bukur në transfertë ndaj Prishtinës, ndërsa Penza mundi në fushën e saj Bashkimin.

PANORAMASPORT.AL

NDIQE LIVE "PANORAMA TV"

---