Ledio Pano debat me Agustin Kolën: Kombëtarja thjesht i ra topit, skema si të “Baba Qemos”…
Ledio Pano dhe Agustin Kola kanë debatuar në studion e “News 24” në emisionin “Sport News Plus” të moderatores Daljana Sejdia, sa i përket mënyrës se si u paraqit kombëtarja shqiptare kundër Kazakistanit.
Pano: Kombëtarja nuk luajti sot. Thjesht i ra topit… Skuadra në pjesën e parë ishte e përgjumur me një kundërshtar fare mesatar.
Kola: Po pse kush i ra topit? Ata nuk luajtën për meritë të Shqipërisë.
Pano: Ore po lëre këtë tani. Ne luajtëm dobët. Manaj nuk mund të luajë njëherazi me Brojën sepse janë shumë të ngjashëm. Kazakistani është ekip shumë i dobët.
Kola: Kazakistani është shkollë ruse e futbollit…
Pano: Çfarë shkolle ruse thua, ata ishin nivel shumë i ulët. Lëre tani. Skuadra nuk ka asnjë ide në fushë.
Kola: Po pse kush luajti mirë sipas teje?
Pano: Ne nuk luajtëm mirë. Kaq. Kishim një rival të dobët edhe nuk e mundëm dot. Aq dobët ishte Shqipëria, saqë edhe dy herë që ia falën topin në afërsi të zonës, nuk shënuan dot.
Kola: E humbën topin ata (kazakët) për mirë të skuadrës tonë.
Pano: Jo, mo jo, ne thjesht nuk kemi një lojë të qartë. Kaq. Nuk më pëlqen kjo skema që përdor Reja. 3-5-2 është skemë e kohës së Baba Qemos… Duhen skema moderne dhe me katër mbrojtës.
PANORAMASPORT.AL
LEXO EDHE:
“Hysaj është Kristiano Ronaldo i Shqipërisë”, Agustin Kola: Me jep miell misëri, më kërkon bukë gruri…
“Shqipëri pa nerv ndaj Kazakistanit”, Ledio Pano: Duhej të luante Doka në vend të Veselit
“E dominuam Kazakistanin, por s’kemi lidera”, Mema: Futbolli ka të papritura
NDIQE LIVE "PANORAMA TV"