“Largimi nga Arsenali ishte një hap para në karrierë”, flet Zhiru: Nuk pranoj të qëndroj në stol
Olivier Zhiru nuk po kalon një periudhë të mirë në këtë fillim sezoni tek Çelsi, teksa e ka parë veten në stolin e rezervave për shumicën e ndeshjeve.
Tekniku Lampard ka talentin anglez Tami Abraham si zgjedhje të parë, duke vendosur që të startojë me të në shumicën e ndeshjeve.
Megjithatë kjo nuk i ka pëlqyer aspak sulmuesit francez, i cili nuk pranon të qëndrojë në stol: “Nuk mund ta pranoj të qëndroj në stol. Kam qenë gjithmonë i respektueshëm dhe i përulur. Edhe nëse nuk jam dakord me trajnerin nuk e kritikoj atë. Por, me veten time unë nuk e pranoj, pasi e di që mund të jem i vlefshëm në fushë. Vitin e kaluar e ndjeja se e meritoja të luaja i kërkova trajnerit shpjegime.”, theksoi Zhiru.
Gjithashtu ai foli edhe për kalimin e tij nga Arsenali të skuadra tjetër londineze: “Nuk e kisha aspak të lehtë të largohesha nga Arsenali për Çelsin para dy vitesh. E doja shumë atë skuadër. Por doja të bëja një hap para, pasi Çelsi ka fituar shumë tituj në 10 vitet e fundit së bashku me Sitin”, përfundoi sulmuesi francez.
PANORAMASPORT.AL
NDIQE LIVE "PANORAMA TV"