Qendërmbrojtësi Jon Mersinaj la pas një dëmtim të rëndë dhe operacionin e kryer, për t’u kthyer në fushë me Lokomotivën e Zagrebit, pas më shumë se një viti. 22-vjeçari, iu desh të priste 387 ditë nga ndeshja e fundit zyrtare, teksa është rikthyer më i fortë se kurrë.

Shqiptari ishte një nga më të spikaturit në fushë, në përballjen ndaj Sibenikut, ku Lokomotiva e Zagrebit, u mposht me rezultatin 2-1. Mersinaj u vlerësua me notën 8.1 nga “Sofa Score”, teksa është përzgjedhur në formacionin e javës, nga faqja e specializuar e statistikave.

Gjithashtu pjesë e formacionit më të mirë është edhe ish-sulmuesi i Kukësit, Mirlind Daku, që realizoi dopietë me fanellën e Osijekut, në triumfin 3-2.

PANORAMASPORT.AL

NDIQE LIVE "PANORAMA TV"

---