Krevate për trajtim intensiv dhe pajisje respiratore, presidenti i klubit Italian diskuton me doktorin për ndihma të mëtejshme
Presidenti i Napolit, Aurelio De Laurentis ka treguar solidaritet me spitalin Paskale në Napoli, duke biseduar nga afër me profesorin e këtij spitali, Paolo Askierto për nevojat e momentit.
Është “Corriere del Mezzogorno” ajo që raporton për angazhimin e presidentit të Napolit, duke treguar gjithashtu se ai dhe doktori kanë rënë dakort për blerjen e krevateve për trajtim intensiv të pacientëve më koronavirus, pajisje respiratore, si dhe materiale të tjera të nevojshme për stafin mjekësor.
“E kam për detyrë të falenderoj presidentin De Laurentis për mbështjen dhe solidaritetin e treguar në këtë kohë tepër të vështirë. Na mbetet shumë për të bërë akoma, por së bashku mund t’ia dalim,” shkruan Paolo Askierto në rrjetin e tij social.
PANORAMASPORT.AL
NDIQE LIVE "PANORAMA TV"