Kastrioti në formë, fiton edhe miqësoren ndaj fqinjëve
Kastrioti është duke kaluar një moment tepër pozitiv. Pas paraqitjeve dinjitoze me Skënderbeun dhe Partizanin, si dhe triumfit 3-0 ndaj Kamzës, skuadra e Stavri Nicës ka siguruar një tjetër rezultat pozitiv, kësaj here në testin miqësor ndaj fqinjëve të Ilirisë.
Skuadra krutane arriti të fitonte me rezultatin 1-0 falë golit të shënuar nga Jurgen Vatnikaj. Kujtojmë që Iliria mposhti ditën e hënë Vllazninë me rezultatin 1-0.
Skuadra e Kastriotit ndodhet në vendin e fundit të renditjes me 7 pikë në 13 ndeshje. Pavarësisht pozicionit, shpresat që krutanët të shpëtojnë janë të mëdha, pasi vetëm 1 pikë i ndajnë nga Kamza e vendin të 9-t si dhe 3 pikë nga Tirana e vendit të 8-t.
Kastrioti-Iliria 1-0
Goli: Vatnikaj
KASTRIOTI: Puja, Husein, Shehi, Çela, Stijepoviç, Domgjoni, Okebugu, Ymeraj, Shehu, H.Marku, Enoh. Trajner: Stavri Nica
ILIRIA: Demi, Boçi, Hoxha, Sala, Gjokeja, Balloku, Zuna, Kurti, Turkaj, Xhaferri, Xhymerti. Trajner: Fatmir Sala
NDIQE LIVE "PANORAMA TV"