Jo vetëm rumuni Sirgi, tjetër kambanë alarmi për Flamurtarin. Braziliani Danilo Alvesh te… “dera”
Nëse me rumunin Kristian Sirgi fatura ishte 40 mijë euro, një kosto e madhe për klubin pritet të jetë ajo e ish-sulmuesit brazilian, Danilo Alvesh. Ky i fundit konfirmoi në muajin dhjetor se ka paditur Flamurtarin në FIFA, ndërkohë që nuk është çudi që në ditët e ardhshme të kemi një njoftim të radhës nga Dhoma e Zgjidhjes së Konflikteve në qeverinë e futbollit botëror.
Ndërkohë, për çështjen “Alvesh”, administratori Sinan Idrizi ka akuzuar avokatin e brazilianit. “Ai batakçi avokat thotë që nëse do të ndodhë, nëse do të bëhet, nëse kjo, nëse ajo. Ai po u thotë lojtarëve: ‘Mos ikni në Vlorë se Flamurtarit i kanë hequr 12 pikë’. Po ajo letra dhe shkresa false.
Këtu bëhet shantazh ndaj klubit tonë, duke ditur problematikat që ne kemi. Problemet tona dihen, por jo të na e prishin imazhin në këtë mënyrë”, deklaroi Idrizi, duke theksuar se avokati i Alveshit po bën shantazh. Megjithatë, nuk është hera e parë që në këto katër vitet e fundit ka polemika mes drejtuesve të klubit dhe sulmuesit brazilian, i cili prej një viti nuk është më pjesë e Flamurtarit.
PANORAMASPORT.AL
NDIQE LIVE "PANORAMA TV"