Ismajli mbërrin në Itali, ja kur pritet t’i nisë stërvitjen me ekipin e ri
Mbrojtësi i Shqipërisë Ardian Ismajli ka mbërritur sot në Specia. Mediat pranë klubit italian të Specias raportojnë se futbollisti shqiptar është përshëndetur për herë të fundit me ish-shokët e skuadrës kroate Hajduk Split dhe ka kaluar disa ditë në Kosovë.
Më pas lojtari ka prerë biletën për në Itali dhe ka mbërritur ditën e sotme. Ai do t’i nënshtrohet testeve mjekësore ku do të provojë dy tamponë për COVID-19 dhe më pas do të hedhë firmën si futbollist i “shqiponjave të vogla”.
Marrëveshja mes palëve është arritur para disa ditësh ndërsa mbetet vetëm formalizimi. Ismajli mund të nisë të stërvitet me ekipin që nga dita e hënë.
Për shkak dëmtimi, Ismajli humbi ndeshjen e dytë e Shqipërisë në Ligën e Kombeve me Lituaninë.
PANORAMASPORT.AL
NDIQE LIVE "PANORAMA TV"