Një tjetër emër i sportit që do të garojë për një vend në Komitetin Ekzekutiv është Edmond Haxhia. Gazeta “Panorama Sport” ka mësuar se ish-drejtori i Partizanit së fundmi ka marrë propozim nga klubi i Memaliajit të Kategorisë së Dytë për këtë kandidim.

Haxhia, në një intervistë për gazetën disa ditë më parë, deklaroi se është dorëhequr nga të gjitha postet që ka pasur te skuadra e Partizanit.

Një tjetër emër me të shkuar në klubin kryeqytetas, por edhe si Sekretar i Përgjithshëm në FSHF, Eduard Prodani, është gjithashtu kandidat për një vend në KE. Gazeta ka mësuar se për Prodanin, klubi propozues është bërë Tepelena.

NDIQE LIVE "PANORAMA TV"

---