Ish-skuadra e tij mund t’i shërbejë shumë. Edi Reja ka përfituar në pak kohë që është në krye të Kombëtares mbrojtësin perfekt. Prurje e re në Kombëtare?

Jo, Berat Gjimshiti. Qendërmbrojtësi kuqezi është një rast i ngjashëm me karrierën e Bonuçit. Mbrojtësi i Juventusit, në sezonin 2011-2012, në gjysmën e dytë të tij mori nga Konte “asistin” e karrierës. Trajneri i bardhezinjve ndërroi modulin dhe në mbrojtjen me tre, me Kielinin dhe Barzaljin në krahë, Bonuçi u bë i pazëvendësueshëm dhe pikë referimi në repartin e prapavijës.

GJIMSHITI – Në fillim, askush nuk besoi, mirëpo një dëmtim në ditën e parë të grumbullimit i Valnier që humbi gjysmën e sezonit, bëri që shqiptari të qëndronte tek Atalanta. E gjithë paraqitja e tij ka shfaqur shpesh luhatje dhe gabime. Njësoj si edhe në Kombëtare. Mirëpo, ndeshja e fundit ndaj Lacios në “Olimpico” është edhe zgjidhja ideale që Gasperini gjeti me shqiptarin, duke shërbyer së tepërmi në favor të Edi Rejas për debutimin në krye të Kombëtares.

Në fillim nga e djathta, Gjimshiti nuk ishte në lartësinë maksimale. Mirëpo, në pjesën e dytë, trajneri i Atalantës e vendosi në qendër të mbrojtjes me modulin me tre në prapavijë dhe me Mancini e Masiolo në anë, Gjimshiti u shndërrua në “bishë”. Eksperiment që mund të jetë gjenial edhe për Edi Rejan dhe Kombëtaren për të marrë prej ish-mbrojtësit të Zyrihut më të mirën.

PANORAMASPORT.AL

NDIQE LIVE "PANORAMA TV"

---