PSG-ja jo vetëm që nuk fitoi dot Champions-in, por u fut në listën e zezë të skuadrave që nuk fitojnë dot këtë kupë në tentativën e parë. Për herë të fundit ka ndodhur në vitin 1997 kur Borusia e Dortmundit fitoi 3- 1 në Berlin, asnjë skuadër tjetër nuk ka arritur të fitojë si debutuese në finale.

Që kur nisi shekulli XXI, shtatë skuadra kanë provuar që ta bëjnë këtë gjë, por mungesa e eksperiencës i ka penguar që të futen në histori. Valencia është skuadra që shkoi në finalen e sezonit 1990-2000, por Reali i ndërpreu ëndrrat. Një vit më vonë shkoi sërish në finale, por këtë herë ishte Bajerni që e mundi me penallti. Dy vite më vonë, në 2002, një tjetër skuadër debutuese.

Bëhet fjalë për Bajer Leverkusenin, por sërish Reali i Madridit e mposhti dhe u dha fund ëndrrave të të rinjve Balak dhe Lusio. “Aspirinat” ishin viktimat e një supergoli nga Zinedin Zidan. Në “Gelsenkirshen” u luajt një finale mes dy skuadrave që askush nuk e priste.

Portoja e Zhoze Murinjos mposhti Monakon. Pak vite më vonë në “Saint Denis” ishte vendi ku sërish u zbehën ëndrrat e një ekipi të ri.

Arsenali i pathyeshëm u dorëzua përballë Barcelonës.

Edhe në vitin 2008, Çelsi humbi përballë Junajtidit.

Edhe 11 vite më vonë, debutuesi nuk pati lavdi, sepse Totenhemi i Kejnit dhe Poçetinos u mposht nga Liverpuli i Klopit. Historia u përsërit edhe këtë sezon.

PANORAMASPORT.AL

NDIQE LIVE "PANORAMA TV"

---