Gjen “Bonuçin e ri”/ Juventusi do mbrojtësin e Kombëtares shqiptare, ja plani

Panorama Sport | Lajmet e fundit nga sporti

Postuar: Shkurt 27, 2021 | 23:57


Gjen “Bonuçin e ri”/ Juventusi do mbrojtësin e Kombëtares shqiptare, ja plani

Ramen Çepele përfundon në regjistrat e Juventusit. Së fundmi, mediat italiane kanë bërë me dije se bardhezinjtë kanë nisur që të kërkojnë informacione në zyrat e Hanoverit për të riun që prej pak muajsh është transferuar në Gjermani.

cepele

Nga sa bëhet me dije nga mediat pranë Serisë B italiane, mbrojtësi i Kombëtares shqiptare është pikasur nga bardhezinjtë si një alternativë interesante për të ardhmen.

PLANI – Madje, Juventus ka edhe një plan në lidhje me 17-vjeçarin. Nga sa mësohet, ai menjëherë mund të blihet për të qenë nën urdhrat e bardhezinjve në verë nga ku më pas të mund të bashkohet me Juvetus U23, ku aktualisht është edhe Xhakomo Vrioni. Djaloshi do të kishte mundësinë që të rritej dhe fitonte eksperiencë.

Jo vetëm kaq, por pas blerjes së kartonit, Juventus mund edhe ta huazojë shqiptarin në Serinë B ku do të kishte mundësinë që të rritej dhe fitonte eksperiencë.

Bonuçi i ri – Pak ditë më parë, ishte “AS.Com” që në artikullin e saj e konsideronte Çepelen si Bonuçin e ri. Ramen Çepele është rritur në akademinë e Interit, por këtë verë, zikaltrit e lejuan shqiptarin që të transferohej në Gjermani.

Nën menaxhimin e kapitenit legjendar të Kombëtares, Altin Lala, mbrojtësi firmosi me akademinë e Hanoverit, nga ku është stërvitur disa herë edhe me skuadrën e parë dhe është në pritje të thirrjes nga ajo edhe për ndeshje zyrtare.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/