Reali i Madridit ka vendosur që të ndërrojë për të dytën herë brenda sezonit tapetin e stadiumit “Santiago Bernabeu”, që është në një gjendje të mjerueshme.

Vendimi i klubit ka ardhur pas ankesave të vazhdueshme të lojtarëve, me në krye kapitenin Karim Benzema. Fusha e stadiumit ku luan ndeshjet Reali i Madridit ka qenë në kushte të mjerueshme. Për këtë arsye klubi e ndërroi më herët gjatë sezonit.

Por edhe pas kësaj kushtet e terrenit të lojës mbeten vërtet problematike. Prej disa javësh lojtarët ia kanë përcjellë trajnerit Ançeloti ankesat e tyre. Me sa duket klubi ua ka vënë veshin këtyre ankesave duke lënë të kuptohet se do të nisë sërish punën për rinovimin e fushës.

PANORAMASPORT.AL

---