Tirana, klubi më i titullar në Shqipëri, është duke kaluar një moment jo fort të këndshëm, teksa vetëm disa ditë para derbit të kryeqytetit është pa trajner. Largimi i Juljan Ahmatajt, ditën e djeshme, ka bërë që 24 herë kampionët e vendit, të mos kenë momentalisht një drejtues teknik, ndërkohë që drejtuesit pritet që në ditët e ardhshme të gradojnë timonierin e 3-të, në vetëm pak muaj.

E teksa Tiranë është pa trajner, 3 futbollistët bardheblu, Kristi Vangjeli dhe Edvan Bakaj dhe Majkëll Ngo gjejnë kohë për të drekuar me trajnerin aktual të Teutës, Bledi Shkëmbi.

“Panorama Sport” ka arritur të sigurojë një video ekskluzive nga momenti i drekimit të futbollistëve të Tiranës dhe trajnerit të Teutës, Bledi Shkëmbi.

Kujtojmë që Vangjeli dhe Shkëmbi janë miq të vjetër, teksa kanë luajtur së bashku për disa vite te skuadra e Skënderbeu, ku janë shpallur edhe kampionë.

PANORAMASPORT.AL

NDIQE LIVE "PANORAMA TV"

---