FOTO/ Tirana reklamon gabim në protokoll, kërkon fitoren në tavolinë përballë Flamurtarit
Flamurtari arriti një barazim në frymën e fundit ndaj Tiranës, në shifrat 2-2, por edhe pse sfida është mbyllur, duhet pritur ende për të parë nëse ekipet do dalin me nga 1 pikë nga ky takim.
Dhe kjo sepse, klubi i Tiranës ka reklamuar fitoren në tavolinë për këtë takim, pasi në pjesën e dytë, trajneri Dritan Sadedini hodhi në fushë 18-vjeçarin, Ariel Muçollari, në vend të mbrojtësit Sarris, por emri i tij nuk figuron në protokollin e ndeshjes.
(Protokolli i shpërndarë për gazetarët, mungon emri i Muçollarit)
“Panorama Sport” ka siguruar fotot e protokollit që shpërndahet për gazetarët në stadium, por edhe protokollin zyrtar të takimit që plotësohet nga zyrtarët e të dyja ekipeve, dhe tek ai i vlonjatëve, emri i Muçollarit nuk figuron në listë.
Tashmë, kjo çështje me shumë mundësi do i kalojë komisioneve të FSHF-së, për të vendosur mbi fatet e kësaj sfide.
(Emri i Ariel Muçollarit, i cili nuk shënohet me shenjë as në formacion, as tek rezervat)
PANORAMASPORT.AL
NDIQE LIVE "PANORAMA TV"