Solidaritet i jashtëzakonshëm, nga bota e futbollit për familjet e prekura nga tragjedia e tërmetit në zonën e Durrësit dhe Thumanës. 

Ditën e sotme, futbollistët e Partizanit si dhe tifozët e kuq, kanë qenë prezent në Thumanë e Bubq pranë familjeve të prekura. Stafi dhe lojtarët kanë shpërndarë ndihma të konsiderueshme ushqimore dhe materiale.

NJOFTIMI I KLUBIT:

FK PARTIZANI SOLIDARIZOHET ME JU
Kampionët dhe “Ultras Guerrils”, prezent sot në Thumanë e Bubq pranë familjeve të prekura nga tërmeti.

Sot kampionët dhe përfaqësues të grupimit “Ultras Guerrils”, ishin prezent në Thumanë e Bubq, zona të prekura rëndë nga tërmeti i tmerrshëm i së martës. Stafi dhe lojtarët kanë shpërndarë ndihma të konsiderueshme ushqimore dhe materiale, duke qenë pranë familjeve të prekura në këto momente të vështira që po përjetojnë. Një falenderim shkon për partnerin tonë FIOL për gadishmërinë dhe suportin e dhënë. Mbështetja e FK Partizani do të vijojë edhe përgjatë ditëve në vazhdim me të tjera kontribute ushqimore, bazë materiale dhe financiare, në ndihmë të personave dhe familjeve të goditura nga kjo fatkeqësi natyrore.

PANORAMASPORT.AL

NDIQE LIVE "PANORAMA TV"

---