Napoli nuk po kalon një periudhë të mirë këtë sezon, teksa janë shumë larg pritshmërive që kishin në fillim të sezonit.

Të kaltrit janë larg garës për titull, e cila tashmë duket se po zhvillohet ndërmjet Juventusit dhe Interit. Pikërisht për këtë arsye, presidenti Aurelio De Laurentis, po mendon të shkarkojë nga posti i trajnerit Karlo Ançelotin.

Nga kjo situatë e Napolit, kërkon të fitojë një tjetër klub, i cili dëshiron të afrojë trajnerin italian. Sipas asaj që shkruan “Daily Mail”, Totenhemi po ndjek me vëmendje situatën e Ançelotit, dhe mund tentojnë ta afrojnë atë në ekipin e tyre. 

“Spërsat” gjithashtu po kalojnë një periudhë shumë të vështirë, dhe zgjidhja duket te shkarkimi i trajnerit Poçetino, për të emëruar në vendin e tij, teknikun aktual të Napolit.

PANORAMASPORT.AL

NDIQE LIVE "PANORAMA TV"

---