Kastrioti pret sot Tërbunin në një ndeshje që nis një orë përpara të tjerave dhe transmetohet nga “RTSH Sport”.

Trajneri Ndreu dhe të tijtë janë të bindur për 3 pikët. Skuadra duket në gjendje optimale, edhe pse sot mungojnë Pepa dhe Karakaçi, ndërsa kapiteni Çela është në dilemë.

Trajneri Ramazan Ndreu për përballjen me Tërbunin tha: “Kualifikimi në Kupë na ka shërbyer për moralin dhe na ndihmon për vazhdimësinë. Ndeshja me Tërbunin është shumë e vështirë, e kam parë këtë skuadër dhe më ka pëlqyer. Duhet mobilizim i jashtëzakonshëm për ta kaluar këtë ndeshje. Ende nuk jemi në ritmin e duhur, pasi lojtarët që kishim në plan për t’i marrë po vonohen me vizat, plus që kemi mungesa”.

Për këtë sezon, krutanët kanë vendosur që hyrja në stadium të jetë e lirë për tifozët. Kështu ka ndodhur në tri ndeshjet e para dhe pritet të vazhdojë gjatë gjithë sezonit.

Bujar Balliu

NDIQE LIVE "PANORAMA TV"

---