Dueli ndaj Tërbunit, zv.trajneri i Korabit: Ia dalim edhe me 5 mungesa
Korabi u ka dhënë fund përgatitjeve për transfertën e javës së 7-të. Luajnë në Pukë, atje ku i pret Tërbuni. Dibranët nuk udhëtojnë në kushtet më të favorshme, pasi kanë plot 5 mungesa. Synimi është që të mos kthehen duarbosh dhe ruajnë pozitat që kanë në renditje. Këtë e thotë edhe Donald Mëziu, i cili edhe sot do të zëvendësojë në pankinë Shpend Kumbarçen e pezulluar. Numri dy i stolit, për “Panorama Sport” deklaron:
“Kemi punuar gjatë gjithë javës dhe jemi gati për të sfiduar Tërbunin. Kundërshtari meriton respekt, por ne do të hyjmë në fushë vetëm për fitore. Edhe pse kemi plot 5 mungesa, e dimë se çfarë duam.
Mungesa e kapitenit S.Mziu, Joti, Dragoj dhe Tabaku mendoj se nuk do të ndihet, pasi dhe stolin e kemi cilësor”.
FATMIR ZHUZHI – PANORAMASPORT.AL
NDIQE LIVE "PANORAMA TV"