Dokumenti/ Luftëtari i zhytur në borxhe, gjyqet me dy ish-lojtarë shtojnë faturën
Sikur të mos mjaftonte rënia në Kategorinë e Parë, te Luftëtari duhet të përballen edhe me disa borxhe nga e kaluara.
Për shkak të humbjes së gjyqeve me dy futbollistë, Luftëtari duhet të paguajë 123 mijë euro. Në vendimet e publikuara nga FIFA në muajin shkurt thuhej se në rast se gjirokastritët nuk i paguajnë Nemanja Janiçiç dhe Ismael Dunga, atëherë nuk mund të bëjnë lëvizje në merkato.
Në rast se në Gjirokastër nuk është gjetur zgjidhja, atëherë merkato mbetet e bllokuar pasi afati prej 45 ditësh ka përfunduar. Nëse nuk ka akoma një zgjidhje, merkato e Luftëtarit do jetë e bllokuar për 3 sensione, këtë aktual dhe 2 sensionet e ardhshme, diçka që do bënte që rikthimi në elitë për merkato as mos mendohej fare.
Dëmi më madh bluzinjve i është bërë nga sulmuesi Ismael Dunga, të cilit i detyrohen 81 mijë euro, duke përfshirë edhe 5% interesin.
Ndërsa mbrojtësit Nemanja Janiçiç gjirokastritët i detyrohen 22 mijë euro dhe detyrimi në total ndaj dy lojtarëve shkon në 123 mijë euro.
Kujtojmë se të gjitha këto detyrime janë të mbartura nga koha kur president i klubit ishte Grigor Tavo, duke lënë pas një mal me borxhe dhe pasoja për të ardhmen.
PANORAMASPORT.AL
NDIQE LIVE "PANORAMA TV"