Skuadra e Dinamos ka zyrtarizuar që në javët e mëparshme rënien nga kategoria dhe tashmë luan vetëm për prestigj javët e fundit në Superiore. Klubi kryeqytetas ka përballë në këtë javë Tiranën kampione dhe do të luajë ndeshjen pikërisht në shtëpinë e kësaj të fundit, në stadiumin “Selman Stërmasi” edhe pse është pritëse.

Blutë kanë publikuar sot çmimet e biletave për këtë derbi, duke vendosur shifrën 400 lekë për tribunën ballore dhe 1000 lekë për tribunat A dhe B. Çmime të cilat në fakt pritet të tërheqin më shumë tifozët e Tiranës, të cilët duan të festojnë me skuadrën trofeun e kampionatit në këto javë të mbetura dhe pritet që të mbushin tribunat edhe për këtë sfidë, ndonëse Dinamo luan si pritëse.

PANORAMASPORT.AL

NDIQE LIVE "PANORAMA TV"

---