Ish-trajneri i ekipit të Laçit U-17, Ndue Tarazhi është shoqëruar, mëngjesin e sotëm prej orës 8:00 në Polici, për shkak të dhunës së ushtruar ndaj lojtarëve të mitur.

Pas marrjes në pyetje të trajnerit dhe shqyrtimit të pamjeve, që janë publikuar në rrjetet sociale dhe në media, Policia e ka proceduar penalisht ish-teknikun.

Materialet proceduriale u referuan Prokurorisë pranë Gjykatës Shkallës Parë Kurbin për veprën penale në ngarkim të tij ” Keqtrajtim i të miturit”.

Njoftimi i Policisë:

“Kurbin

Në lidhje me videon që u publikua në rrjetet sociale dhe në media, ku shfaqet një shtetas duke fyer dhe keqtrajtuar disa të mitur, sqarojmë se nga specialistët e Seksionit për hetimin dhe parandalimin e krimeve në Komisariatin e Policisë Kurbin, u proçedua penalisht shtetasi N.T., 77 vjeç, banues në Laç.

Nga veprimet e para hetimore rezulton se këto pamje janë të vitit 2016, në kohen kur shtetasi N.T .,ka qenë trajner futbolli i skuadrave të moshave të KF LAÇI

Materialet proçedurale u referuan Prokurorisë pranë Gjykatës Shkallës Parë Kurbin për vepren penale në ngarkim të tij ” Keqtrajtim i të miturit”.

/PANORAMASPORT.AL/

NDIQE LIVE "PANORAMA TV"

---