Dedja niset me “halle” drejt kryeqytetit, Vllaznia pa 3 titullarë për ndeshjen e sotme
Vllaznia do të udhëtojë pa tre nga titullarët e saj drejt Tiranës. Tekniku Hysen Dedja nuk do të ketë për këtë takim përveç Ramadanit që vijon të jetë i dëmtuar edhe dyshen e lojtarëve Hygor e Marku. Mesfushori brazilian, madje është një nga mungesat e rëndësishme të kuqebluve para kësaj sfide.
Të dy lojtarët nuk kanë arritur që të rikuperohen dhe të jenë të gatshëm për këtë sfidë. Tekniku Dedja do të besojë te Lekaj e Sidorenko nga minuta e parë në përballjen ndaj Tiranës. Me sa duket tekniku kërkon që të fuqizojë jo vetëm mbrojtjen me gjak të ri, por edhe të shfrytëzojë aftësitë e mira dhe gjendjen optimale të Sidorenkos.
Nga sa mësohet, pjesa tjetër do të përbëhet nga Efremov në portë, në mbrojtje, përveç Lekajt nga e djathta, do të jenë edhe Adili, Malota, e Gligorov, që do të zhvendoset nga e majta. Në mesin e fushës do të jenë përkrah Sidorenkos edhe kapiteni Lika, Krymi, Gurishta e Kruja. I vetëm në majë të sulmit pritet që të jetë Zogaj.
A.Uruçi
NDIQE LIVE "PANORAMA TV"