Partizani u mposht në Korçë përballë Skënderbeut me rezultatin 1-0. Trajneri i “demave, Orges Shehi u shpreh i zhgënjyer nga paraqitja e skuadrës, teksa tha që ekipi në pjesën e dytë i tentoi të gjitha për të barazuar sfidën.

“Ishte ndeshje me dy tablo. Në pjesën e parë kishim pak vështirësi. E dinim që ekipi kundërshtar e bazon lojën te shpejtësia e suklmuesve. Në pjesën e dytë futëm një lojtar që e mban topin. Humbëm ndeshjen nga një episod, një penallti, por nuk e dinim që kundërshtarët do të ishin aq të egër në aspektin sportiv.

Unë mendoj se Cara na kryqëzon shumë, sidomos për mënyrën se si luan. Dje mora përgjigjen negative nga Maget, prandaj thash që në pjesën e dytë futëm Taipin. Edhe Mensah na doli shumë shpejt, Bintsuka nuk është në gjendjen e tij optimale. Edhe ata kanë peshën e vetë, sidomos Cara është i rëndësishëm.

Mërzitja është prezente, sidomos kur humb ndeshjen. Na vjen keq që luajmë me dy tablo, sidomos kur episodet vendosin. Kur hynë në pjesën e dytë në stres, drita pastaj venitet.

Kishim vështirësi në nxjerrjen e topit, duke ditur që Rrapaj kishte markim një kundër një në të gjitha zonat e fushës. Dua që të kishim konfigurim më të mirë. Edhe në pjesën e dytë i tentuam të gjitha. Ishim prezent te zona e kundërshtarit”, tha Shehi për “MCN”.

PANORAMASPORT.AL

NDIQE LIVE "PANORAMA TV"

---