ZYRTARE/ Tefik Osmani i bashkohet Tiranës, menjëherë nën urdhrat e Memës
Tefik Osmani është tashmë zyrtarisht një lojtar i Tiranës. Ashtu siç “Panorama Sport” e kishte lajmëruar prej kohësh, me të mbaruar aventurën me Teutën në Europë, Osmani i është bashkuar bardhebluve.
Nëpërmjet një njoftimi nga ana e klubit të Tiranës, bëhet me dija se Mema e ka vënë menjëherë nën urdhrat e tij, duke e aktivizuar edhe për 45 minuta në miqësoren me Renovën, duke qenë se 34-vjeçari është i përgatitur prej kohësh, teksa ka luajtur edhe 2 ndeshje me Teutën, ndaj Ventspilsit në Europa League. Ky është një përforcim me vlera për Tiranën, në një repart delikat si ai i mbrojtjes.
POSTIMI I KLUBIT
Tefik Osmani bashkohet me grupin në Ohër
Qendërmbrojtësi Tefik Osmani është zyrtarisht pjesë e Tiranës pasi ka arritur marrëveshjen për tu riveshur bardheblu për sezonin e ri futbollistik. Osmani u aktivizua 45’ në ndeshjen e sotme miqësore përballë Renovës. Osmani vjen si një përforcim me shumë vlera për repartin difensiv.
PANORAMASPORT.AL
NDIQE LIVE "PANORAMA TV"