ZYRTARE/ Rezultatet negative fatale për 48-vjeçarin, klubi i Bundesligës shkarkon nga detyra trajnerin
Humbja e së premtes mbrëma ndaj Union Berlinit me rezultatin 2-1 i ka kushtuar rëndë teknikut Xhesi Març, i cili është shkarkuar nga detyra e trajnerit të skuadrës së Lajpcigut.
Këtë lajm e ka bërë publike vetë klubi i Bundesligës gjermane me anë të një komunikate në sajtin e saj zyrtar, duke njoftuar opinionin publik se tekniku amerikan 48-vjeçar nuk është më trajner i skuadrës me efekt të menjëhershëm.
Skuadra e Lajpcigut ka bërë me dije se në ndeshjen ndaj Mançester Sitit në Champions në mesjavë, ekipin do ta udhëheqë zv.trajneri Beierlorzer i cili do të jetë në krye të pankinës deri sa të zyrtarizohet një “timonier” i ri i skuadrës së Lajpcigut.
Fatale për trajnerin Març ishin tre disfatat radhazi në Bundesligë ndaj Hofenheimit, Bajer Leverkuzenit dhe së fundmi kundër Union Berlinit.
Skuadra renditet në vendin e 11 në kuotën e 18 pikëve, pozicion ku drejtuesit nuk pajtohen aspak për objektivat e klubit.
#RBLeipzig and head coach Jesse #Marsch have mutually agreed to part ways. Jesse Marsch has been released from his contract with immediate effect.
⚪? #WeAreLeipzig pic.twitter.com/JQYkaCUJam
— RB Leipzig English (@RBLeipzig_EN) December 5, 2021
PANORAMASPORT.AL