Kampionët në fuqi të NBA janë pranë kualifikimit në gjysmëfinalet play off në Konferencën e Perëndimit pas fitores 112-105 ndaj Lejkërs në çerekfinalen e tretë.

Ekipi kalifornian, edhe pse luajti në fushën e vet, nuk arriti të fitojë, ndërkohë që Denver është një fitore larg kualifikimit. Katër lojtarë të skuadrës së Denverit realizuan mbi 20 pikë, ku shkëlqeu Gordon, autor i 29 pikëve dhe 15 ribaund. Për Lejkërs, Dejvis e mbylli ndeshjen me 33 pikë e 15 ribaund e LeBron Xhejms me 26 pikë, por që s’mjaftuan për të fituar.

Dy ndeshje të luajtura në Konferencën e Lindjes. Skuadra e Filadelfias fitoi 125-114 ndaj Nju Jork, duke rihapur garën. Xhoel Embid ishte një përbindësh për vendasit, autor i 50 pikëve, duke i bërë të pavlefshme 39 pikët e Brunson për nju-jorkezët.

Fitoren e parë në këto çerekfinale korri edhe Orlando, që mundi 121-83 Klivelend, që tashmë udhëheq 2-1 me ndeshje. Bankero me 31 pikë e 14 ribaund si dhe Sugs me 24 pikë bënë diferencën në fushë për skuadrën vendase.

NBA-Çerekfinalet, Lindje

Cleveland – Orlando, 83-121 (2-1)

New York – Philadelphia, 114-125 (2-1)

Boston – Miami, (1-1)

Milwaukee – Indiana, (1-1)

NBA-Çerekfinalet, Perëndim

Minnesota – Phoenix, (2-0)

Denver – Lakers, 112-105 (3-0)

Clippers – Dallas, (1-1)

Oklahoma – New Orleans, (1-0)

PANORAMASPORT.AL

NDIQE LIVE "PANORAMA TV"

---