Tashmë është zyrtare, sfida mes Bajern Mynih dhe Barcelonës e vlefshme për raundin e fundit të grupeve në Ligën e Kampionëve do të luhet pa tifozë.

Ky vendim ka ardhur nga autoritetet pas rritjes së rasteve me Covid në Gjermani, dhe frikës se ‘Alianz Arena’’ do të tejmbushej për këtë sfidë, duke parë dhe emrin e rivalit.

Ky lajm nuk është pritur aspak mirë nga tifozët që prisnin të shikonin skuadrën e tyre përballë Barcelonës së Çavi Hernandez.

Për katalanasit kjo sfidë është jetike sa i përket kualifikimit për në fazën e 1/8-ve në Ligën e Kampionëve, pasi një triumf ndaj bavarezëve do të çonte më tej katalanasit.

Një asist ky për gjigantët spanjoll që do të luajnë ndaj rivalëve në grup pa praninë e tifozëve në shtëpinë e tyre. Sfida do të luhet në datën 8 dhjetor në orën 21:00 të mbrëmjes.

✅| Official: The match between Bayern Munich and Barcelona in the Champions League at the Allianz Arena will take place without fans. #UCL pic.twitter.com/EkUBGmVi2S

— BarçaTimes (@BarcaTimes) November 30, 2021

PANORAMASPORT.AL

NDIQE LIVE "PANORAMA TV"

---