Zgjodhën Italinë para Shqipërisë, por tani Italia i bën “të pendohen”
Ju kujtohen Alesandro Ahmetaj dhe Rilind Nivokazi? Janë dy të rinjtë e talentuar shqiptarë të cilët po shkëlqenin në kampionatet e moshave të Italisë dhe kjo e fundit nuk ngurroi t’u bënte menjëherë një ftesë duke i bërë pjese të përfaqësueses U-17.
Të dy lojtarët jo vetëm që pranuan dhe veshën fanellën e kaltër, por edhe luajtën kundër Shqipërisë në raundin e parë të eliminatoreve të kësaj grupmoshe që vuri përballë përfaqësueset e dy vendeve.
Por tani që ka ardhur koha që Italia të luajë në raundin e dytë të turneut, atë Elite, trajneri Emiliano Bixhika nuk i ka besuar asnjërit prej tyre. Edhe pse Nivokazi është një nga sulmuesit më të spikatur në kampionatet e moshave në Itali dhe shënon me rregullsi të admirueshme për moshën që ka (datëlindja 2000), ai nuk u bë pjesë as e listës së madhe.
Aty gjendej emri i Ahmetajt, i cili iu bashkua në disa ditë stërvitje Italisë në përgatitjet për ndeshjet kundër Holandës, Belgjikës e Bjellorusisë, por për të cilin në fund u vendos që të kthehej në shtëpi. Sigurisht, kjo nuk ishte mënyra se si kishin parashikuar të ardhmen e tyre italiane të dy djelmoshat shqiptarë.
NDIQE LIVE "PANORAMA TV"