Viti 2023 ishte tepër pozitiv për talentin shqiptar, Ernest Muçi, i cili arriti të linte gjurmë me fanellën e Legias së Varshavës, duke zgjuar interesin e disa klubeve të rëndësishme Europiane, që kërkojnë shërbimet e shqiptarit në merkaton e janarit.  

Ndërkohë së fundmi ka ardhur një tjetër vlerësim pozitiv për Muçin. Legia e Varshavës ka publikuar në faqet zyrtare në rrjetet sociale rezultatet e votimeve të tifozëve sa i përket kategorisë ‘Më të mirët e vitit 2023’. Në listën e fitueseve gjendet edhe emri i Ernest Muçit.  

Tifozët e Legias së Varshavës kanë votuar golin e tij si më të bukurin për vitin 2023.Bëhet fjalë për golin që sulmuesi shqiptar i shënoi Aston Vilës në Europë, në ndeshjen e cila u luajt në Angli. Ish-lojtari i Tiranës goditi me mjaft klas me të djathtën e tij në hyrje të zonës dhe e ndali topin në trekëndësh. Një ekzekutim i përsosur që i mrekulloi të gjithë.  

View this post on Instagram

A post shared by Legia Warszawa ? (@legiawarszawa)

PANORAMASPORT.AL

 

NDIQE LIVE "PANORAMA TV"

---