Milot Rashica po kalon një moment mjaft të mirë në karrierën e tij. Ylli shqiptar i Kosovës, është shndërruar në protagonist te skuadra e Beshiktashit, teksa gjeti sërish rrugën e rrjetës me bardhezinjtë që triumfuan mbrëmjen e sotme me rezultatin 3-0 ndaj Karagumrukut të Frederik Veselit. 

Rashica shënoi golin e dytë të sfidës në minutën e 65-të pas asistit të Tosun. Ky ishte realizimi i dytë radhazi në kampionat për 27-vjeçarin si dhe goli i katërt në 14 ndeshje të luajtura në kampionat.  

Mesa duket viti 2024 do të jetë viti i Rashicës i cili me këto ritme po i jep një dorë të madhe Beshiktashit që momentalisht mban vendin e katërt me 35 pikë. Duket se objektivi i “shqiponjave” këtë sezon është Europa, pasi diferenca me kryesuesit e Fenerbahçes është e konsiderueshme, plot 15 pikë.  

Rashica yavaş yavaş kendini buluyor.. pic.twitter.com/Dx25AaSbIS

— Ulvi (@utinerihenry) January 13, 2024

NDIQE LIVE "PANORAMA TV"

---