Tirana dhe Vllaznia janë dy skuadrat mbretëresha të Superiores për penalltitë.

Skuadrat jo vetëm që kanë marrë më shumë 11-metërsha, por janë edhe ekipet më të sakta nga pika e bardhë. Përqindja e suksesit ose transferimi nga 11 metërsh në gol është 100% dhe mbahet nga bardheblutë e kuqeblutë. Skuadra që nuk shkëlqen te penalltitë është Kukësi, që nuk ka shënuar qoftë një gol nga pika e bardhë.

PENALLTITË E MARRA – Tirana dhe Vllaznia janë skuadrat që kanë marrë më shumë 11- metërsha, respektivisht 9 dhe 8 penallti. Këto dy skuadra nga ana tjetër janë ato që e kanë saktësinë nga pika e bardhë 100%, duke marrë për llogaritje ato ekipe që kanë goditur më shumë se 3 penallti, pasi shënjestrën e kanë edhe Laçi e Dinamo, por së bashku kanë shumë pak 11- metërsha, vetëm katër. Dy ekipe kanë marrë nga shtatë penallti, respektivisht, Skënderbeu dhe Teuta, ndërsa Erzeni e Partizani me 6 penallti. Tre ekipet e tjera, Dinamo, Laçi dhe Kukësi kanë marrë 5 penallti së bashku.

REKORDET – Dy skuadra janë të padëshiruarat e penalltive. Laçi dhe Kukësi në 28 javë kanë marrë vetëm nga një 11-metërsh dhe mbajnë rekordin në këtë kampionat. Katër ekipe e kanë shënjestrën 100 përqind. Veç Tiranës dhe Vllaznisë, shkëlqejnë edhe Dinamo me Laçin. Skuadra më e keqe te penalltitë është Kukësi me 1 penallti të marrë dhe asnjë të shënuar. Egnatia është e dyta me 40 përqind të mundësive, pasi nga pesë 11 metërsha ka humbur tre.

SNAJPERËT – Bekim Balaj është lojtari, i cili ka gjuajtur dhe ka realizuar më shumë penallti. Plot tetë copë, duke i kthyer. Në vendin e dytë të penallti-gjuajtësve është Amir Kahrimanoviç me 6 penallti të ekzekutuara dhe pesë të kthyera në gol. Më pas vinë Tedi Cara, Ergys Peposhi dhe Dean Liço me katër të gjuajtura dhe tre gola.

BARDHEBLUTË – Një tjetër e veçantë e penalltive të marra nga bardheblutë është fakti që katër prej tyre ia kanë marrë dhe shënuar Dinamos. Dy penallti i ka shënuar Florent Hasani, një Patrik dhe nga tre, Latifi dhe Abazaj. Nga 48 golat e shënuar, nëntë kanë ardhur nga pika e bardhë, ndërsa gjyqtarët këtë sezon janë treguar goxha bujarë. Sezonin e shkuar në 36 javë, Tirana mori 9 penallti, ndërsa këtë sezon nëntë 11 metërsha i ka marrë në 28 javë.

OLSI AVDIAJ-PANORAMASPORT.AL

NDIQE LIVE "PANORAMA TV"

---