Turqia na bën një “dhuratë”, mposht Austrinë në ndeshjen e çmendur. Shpresat ëndërrojnë Europianin
Turqia e 21-vjeçarëve na ka bërë një “dhuratë” ditën e sotme, teksa ka mposhtur Austrinë e grupit tonë, në eliminatoret për Europianin e 21-vjeçarëve.
Pjesa e parë u mbyll me avantazhin e Austrisë 1-0, por në pjesën e dytë Turqia përmbysi gjithçka në 2-1 dhe në minutën e 90’, austriakët ia dolën të barazonin. Megjithatë turqit nuk u dorëzuan dhe ia dolën të shënojnë në minutën e 93’, për të marrë një fitore spektakolare në një ndeshje të çmendur.
Një rezultat shumë i mirë ky për Kombëtaren tonë të 21-vjeçarëve. Tashmë Austria mbetet në kuotën e 15 pikëve, 1 më shumë se Shqipëria që fitoi ndaj Kosovës dhe vendi i dytë është shumë afër, kur ka mbetur edhe një ndeshje për tu luajtur.
Megjithatë duke parë ndeshjet e radhës, ku Austria luan me Andorrën, ndërsa Shqipëria me Anglinë, mund të thuhet se shanset janë të pakta, por futbollit kurrë nuk i dihet…
PANORAMASPORT.AL
NDIQE LIVE "PANORAMA TV"