Statistikat e frikshme/ Ballkani i Ilir Dajës i dha leksion futbolli BATE Borisovit
Ballkani i Ilir Dajës, triumfoi me rezultatin 4-1 në duelin e parë të fazës “play off” të Ligës së Konferencës, ndaj BATE Borisovit. Jo vetëm rezultat bindës, por kampionët e Kosovës i dhanë një leksion futbolli skuadrës prestigjioze bjelloruse, edhe për sa i përket lojës. Këtë gjë e vërtetojnë edhe statistikat. Suharekasit ishin dominues absolut në këtë përballje, duke bërë që BATE t’i nënshtrohej plotësisht Ballkanit.
Sipas statistikave të SofaScore, Ballkani kishte posedimin e topit në anën e saj 56 % ndërsa miqtë vetëm 44 %.
Kampionët e Ilir Dajës gjuajtën drejt portës plot 17 herë, ndërsa shtatë prej tyre ishin brenda kuadratit. Kundërshtarët kishin vetëm tri gjuajtje, një në portë, prej të cilës arritën një gol.
Edhe për sa i përket goditjeve nga këndi më shumë kishte Ballkani, plot 8, dy më shumë se bjellorusët. Lojtarët e BATE-s morën katër karton të verdhë, ndërsa ata të Ballkanit dy.
PANORAMASPORT.AL
NDIQE LIVE "PANORAMA TV"