Shortet e sotme në tre kompeticionet e UEFA-s për fazën çerekfinale dhuruan disa përballje të forta, por Milan-Roma do të jetë e paprecedentë në historinë e kupave evropiane.

Kurrë më parë kuqezinjtë dhe verdhekuqtë nuk i kanë kryqëzuar rrugët jashtë kufijve të Serisë A apo Kupës së Italisë, duke e bërë të paprecedentë sfidën e dyfishtë çerekfinale të “Europa League”.

Ndeshja e fundit jo për kampionat mes dy skuadrave në fjalë daton në vitin 2007, kur verdhekuqtë triumfonin në gjysmëfinale të Kupës së Italisë. Luçiano Spaleti dhe Karlo Ançeloti drejtonin asokohe në stolat e dy skuadrave, ndërsa trajneri i sotëm verdhekuq, Daniele De Rossi, ishte padyshim në fushë.

PANORAMASPORT.AL

NDIQE LIVE "PANORAMA TV"

---