Erdis Kraja mund të largohet nga Atalanta këtë sesion të merkatos.

Sipas asaj që raporton “TuttoMercatoWeb”, mesfushorin e Kombëtares U-21 e ndjekin me interes tre skuadra, Triestina, Peskara dhe Rexhiana.

Të treja klubet italiane janë të gatshme t’i bëjnë një ofertë futbollistit 22-vjeçar për ta bërë për vete në formulën e huazimit.

Në sezonin e fundit, Kraja ishte pjesë e Lekos në Serinë C teksa në 34 sfida në total ka shënuar 3 gola dhe nuk ka dhuruar asnjë asist.

Më parë, shqiptari ka mbajtur veshur edhe fanellat e Grosetos dhe Palermos.

Ndërkohë me Kombëtaren U-17 numëron 3 paraqitje, me Kombëtaren U-19 asnjë dhe me Kombëtaren U-21 ka zhvilluar gjithsej 5 ndeshje.

BRIAN KRISTO – PANORAMASPORT.AL

NDIQE LIVE "PANORAMA TV"

---