Partizani-Tirana, zbulohet kur do luhet derbi i kryeqytetit. Telushi dhe Kale mungesa të sigurta

Panorama Sport | Gazeta me e madhe sportive ne vend

Postuar: Dhjetor 8, 2019 | 23:25

FB Kategoria Superiore LAJMI KRYESOR Partizani Të fundit Tirana

Partizani-Tirana, zbulohet kur do luhet derbi i kryeqytetit. Telushi dhe Kale mungesa të sigurta

Partizani dhe Tirana, pas humbjeve respektive gjatë ditës së djeshme, nga sot zyrtarisht kanë hyrë në javën e derbit. Kjo është përballja e 155-të në historinë e dy klubeve të kryeqytetit, ku Partizani vjen me një dominim të dukshëm në statistika ndaj Tiranës.

Trashi Partizani-Tirana

Të kuqtë kanë arritur të fitojnë 66 derbe, ndërsa bardheblutë kanë triumfuar në 40 përballje. 48 ndeshje të tjera kanë përfunduar në barazim. Edhe golavarazhi është në favor të “demave”, 217- 167.

Derbi i radhës pritet të zhvillohet në kushte komode, si asnjëherë më parë, pasi me shumë mundësi sfida do të luhet në stadiumin e ri, “Air Albania”, që u përurua më 17 nëntor. FSHF akoma nuk e ka zyrtarizuar axhendën e javës së 154-të të Kategorisë Superiore dhe aq më shumë ditën e derbit.

stadiumi arena kombetare tifozet

Gjithsesi, është folur se derbi i 155- të i kryeqytetit do të zhvillohet të premten e 13 dhjetorit, ora 19:00, në stadiumin “Air Albania”. Partizani është organizator i këtij takimi, që i bie të luhet në një impiant modern, duke zbutur barrierat e pjesëmarrjes që ka pasur stadiumi “Selman Stërmasi”.

Mungesat e dy ekipeve

Partizani dhe Tirana vijnë në këtë duel me shpresën që të kthehen te fitorja në kampionat, por të dyja ekipet kanë mungesa të konfirmuara.

bruno telushi

Trajneri Franko Lerda ka humbur dje shërbimet e Bruno Telushit, i cili ndaj Bylisit u ndëshkua me karton të kuq. Vlonjati është i konfirmuar, por mbetet për të parë se si do të vijojë çështja “Mala”, pasi lojtari është pezulluar nga klubi për mosgatishmërinë për rinovim kontrate.

elton kale

Në dyshim mbetet Jozef Ekuban, i cili në javën e shkuar është përgatitur i diferencuar. Te Tirana mungesat e sigurta janë dy: Ismael Dunga i dëmtuar, si dhe Elton Kale, i cili me kartonin e verdhë që mori ndaj Kukësit plotësoi numrin katër dhe është i pezulluar. Osmani nuk luajti dje dhe është në dyshim edhe për derbin, pasi është i dëmtuar. Në dyshim janë edhe Edon Hasani me Uinfull Kobina, që u lënduan në ndeshjen e fundit ndaj Kukësit.

 Ilir Cara




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com