Dhjetë vjet më parë, Frank Riberi dhe Arjen Roben bënë emër duke u konsideruar si “dyshe”. Në atë kohë, në janar të vitit 2010, “Bild Sport” bëri një sondazh duke pyetur: Cili ju pëlqen më shumë? “Rib dhe Rob” or “Robbery”? Holandezi bëri shaka: “Le të themi ‘E bukura’ dhe ‘Bisha’!” Dyshja legjendare e krahut në të vërtetë hyri në historinë e Bajern si “Robbery”. Në ndeshjen 8 me 0 kundër Shalkes, pasardhësit e tyre Leroi Sane dhe Serge Gnabri ishin dyshja e re e Bajernit në krah. Tifozët diskutuan në internet: “Sanabry ose Gnane, cili përshtatet më mirë?”. “Bild Sport” pyeti sërish Riberi dhe francezi iu përgjigj: “Më pëlqen shumë Sanabry!”

Nga ana tjetër, Sane në lidhje me diskutimin e hapur mbi emrat që po lakohen është shprehur se: “Unë mund të jetoj me të dy. Tifozët mund të vendosin se çfarë u pëlqen më shumë”. Pas aksesit që pati te Mançester Sisi, ai nuk dëshiron që të ketë konkurrencë me dyshen e mëparshme “Robbery”, vetëm me një paraqitje. “Unë ende nuk lejoj krahasime me ‘Robbery’”, shprehet Sane. “Të dy ata formuan klubin për një dekadë të tërë në një nivel të klasit botëror. Për ne, vetëm një lojë në fanellën e FC Bajern shkoi shumë mirë tani për tani”, është shprehur ai. Sidoqoftë, ai mund ta shpjegojë marrëdhënien e tij të mirë dhe mirëkuptimin e verbër me Gnabrin.

“Kontakti me Serge thjesht nuk është ndërprerë gjatë këtyre viteve”, thotë Sane. “Ne kemi luajtur së bashku në ekipin UKombëtar në DFB. Tani ne akoma shkojmë shumë mirë brenda dhe jashtë fushës”, ka shkruar Leroi Sane. Me “Sanabry”, Sane dhe Gnabri tashmë kanë bërë një emër për veten e tyre. Pas ndeshjes që përfundoi 8 me 0 kundër Shalkes, titulli i shkrimit të Raimund Hinko, në “Bild Sport” ishte: “Bavaria ime!”. Hinko merret me kampionët e rekordit gjerman dhe ka shoqëruar për dekada ekipin e Mynihut. “Këtë herë, 8 me 0 kundër Shalkes ishte pothuajse më fenomenale se 1 me 0 në gjysmëfinalen e Ligës së Kampioneve kundër Olimpik Lion, që ishte një moment historik në rrugën për në Kupën e Europës. Që atëherë, ju jeni të njohur në të gjithë botën. Djemtë në fushat e futbollit në Amerikën e Veriut e të Jugut, në Azi dhe Afrikë imitojnë brohoritjet tuaja, të cilat janë aq unike sa qëllimet tuaja”, shkruhej në artikull pak ditë më parë.

PANORAMASPORT.AL

NDIQE LIVE "PANORAMA TV"

---